Update sa Road Concreting Project sa Oval Road (Cahipa)
✅ April 25, 2025 – Groundbreaking Ceremony
Gitambongan ni Former Mayor Raymond Garcia, Cong. Cutie Del Mar ug mga opisyal sa barangay. Mapasalamaton ang Barangay Hipodromo sa hinabang sa pondo alang sa pag-ayo sa Oval Road (Cahipa) nga dugay nang guba ug lubak-lubak.
✅ March 28 – May 11, 2025 – Election Ban
Na-untat ang implementasyon sa proyekto subay sa Omnibus Election Code nga gi-enforce sa COMELEC.
✅ May 12, 2025 – Election Day
✅ May–June 2025 – Transition Period
Gi-review ug gi-process ang dugang requirements nga gipangayo para makapadayon ang proyekto ubos sa administrasyon ni Mayor Nestor Archival.
✅ August–September 2025
Padayon ang personal nga follow-up ni Kapitan Ruperto Dondon Bacolod sa mga permits ug dokumento nga gikinahanglan aron ma-implement ang approved project.
🔴 Pending karon ang Board Resolution sa CCTO ug ang Amendment sa Hauling Permit nga nagkinahanglan pa og pirma gikan sa labaw sa Traffic Coordination Board.
👉 Ang importante, kompleto na ang papeles – perma nalang ang kulang. Gipaabot nga kung maaprubahan kini karong buwana, sugdan na ang road repair sa Cahipa ug interior roads.
📌 Giapelar ni Kap Bacolod ang inyong pagsabot ug kooperasyon. Gikan sa pag-file sa proposal, pagpangita ug pondo, hangtod sa pag-asikaso sa papeles—padayon kini giatiman sa inyong barangay ug lider.
🙏 Walay exempted sa atong kahimtang; kita tanan napurhisyo sa daot nga kalsada. Busa gamayng pailob lang mga silingan. Ang proyekto sa Hipodromo mao ang usa sa mga priority for implementation sa Cebu City.
💬 “Ang lungsod nga nasayud mao’y maghatag og kusog sa demokrasya, apan ang lungsod nga mapasagaron mao’y mupukan sa atong kagawasan.”
— Atty. Reuben Canoy
Daghang salamat sa inyong padayon nga suporta. Palihug ipakalat ang kamatuoran aron daghan kitang masayud ug magmalahutayon sa paghulat sa atong hapsay ug mauswagon nga barangay.
Sa tanang pangutana, bisitaha ang Barangay Hipodromo Office.
Matiinahuron,
Kap Dondon Bacolod
#SulbongHipodromo
