GITUKOD NGA CONDO BUILDING SA HIPODROMO, GIPAHUNONG
Nimando na ang Office of the Building Official kun OBO pagpaghunong sa pagtukod sa usa ka condominium building nga nahimutang sa Brgy.Hipodromo ning syudad sa Sugbo.
Kini human duha ka mga dagkong angle bar ang natagak ngadto sa usa ka balay nga nahimutang kilid sa maong gitukod nga condo niadtong Agosto 26, 2024 sa buntag.
Hinoon, wala’y naangol sa maong panghitabo.
Apan ang mga residente duol sa gitukod nga condo nangreklamo na tungod kay dili kini unang higayon nga adunay nangatagak ug nipaingon sa ilang mga balay gikan sa gitukod nga condo.
Naluwat sa OBO ang maong suspension order batok sa gitukod nga condo human nadawat sa maong buhatan ang maong reklamo ug nahitabong insidente ingon man ang gihimo na nilang inspection sa maong building nga gipanguhan sa pangu sa OBO nga si Architect Florante Catalan.
via| Radyoman Aida Tampus
DYHP RMN CEBU
