Look
SAPA GITAMBAKAN
Daling gisusi ni Kapitan Dondon Bacolod ang problema sa taga Nalcaba ug Private sa Sitio Cahipa Brgy.Hipodromo sa napundong tubig sa sapa kon Cahipa Creek human nadiskobrihan nga gitambakan og anapog ang sapa sa ongoing nga clearing operation sa usa ka kompanya nga motukod og Condominium sa maong lugar.
Si Kap Bacolod nipaabot sa concern sa mga residenti sa maong dapit ngadto sa Cebu City Government ug sa mga Aznar aron mainspeksyon ang lugar ug mahimoan og daling pagtagad ug sulosyon.
Nakita sa site nga napundo ang tubig ug wala nay lutsanan gumikan kay gitambakan ang portion niini nga duol sa area nga gi demolish sugod niadtong Pebrero 14,2024 diin ang maong luna giangkon sa mga Aznar.
Makita sa hulagway ang sapa ,ug napundong tubig niini ug area nga gisirhan sa gihimong development diin ang ubang portion sa sapa nga natambakan wala makita tungod sa paril.
Ang maong sapa nag agi kilid sa clinic duol sa Ansing Junkshop kaniadto ug adto lusot sa habig sa Kalapukan Carreta gikan sa CBP.
Nisusi usab sa area sa dihang gipahibaw ni Bacolod ang Aznar mao ang representanti sa maong kompanya nga mao ang Architect ug abogado.
Tungod sa maong kalambuan mususi usab ang mga concerned agencies sa Cebu City Government diin ugmang adlawa magtagbo sa buhatan ni Kap Bacolod ang representanti sa Aznar, CENRO, DENR,PNP, GUBAT SA BAHA, Cebu Business Park ug mga residenti nga makab-ot ang dinaliang sulosyon sa problema.
#Your Safety is our Priority.
Barangay Hipodromo Cebu City
