Ning gabhiona, padayon nga nakig-coordinate si Kapitan Ruperto “Dondon” Bacolod sa mga opisyal sa Dakbayan sa Sugbo ug sa CDRRMO, labi na kang Mayor Raymond Garcia, kalabot sa kasamtangang sitwasyon sa Sitio Cahipa gumikan sa kusog nga uwan ug pila ka oras nga pagbunok karong gabii.
Kapila na kahigayun nga nangayo ug aksyon ang barangay sa Cebu City Government ug sa halandong mayor aron maablihan na sa hingpit ang Cahipa Creek, nga hangtod karon wala pa makuha ang concrete slab human nagmagahi ang Aznar Basque Property sa pagsunod sa kamanduan sa Konseho sa Dakbayan sa Sugbo.
Sa pagkakaron, naabot na sa area ang Disaster Team sa Dakbayan sa Sugbo ug mga barangay workers aron buhaton ang dinaliang lakang alang sa kasigurohan ug kaluwasan sa mga residente.
#SulbongHipodromo
#SerbisyongTinudAnay
